duniya ne yahi mujhko har bar bataya hai

duniyā ne yahī mujh ko har baar batāyā hai

koī bhī nahīñ apnā har shaḳhs parāyā hai

ye vaqt mujhe aksar letā hai nishāne par

maiñ ne bhī ise apnā andāz dikhāyā hai

āñdhī ne girā.e haiñ kuchh peḌ baḌe lekin

mushkil meñ khaḌe rahnā ye paaTh paḌhāyā hai

ik raah judā hotī ik raah nazar aatī

manzil kā pata us ne kuchh yuuñ bhī batāyā hai

karnā hai baḌā ḳhud ko to soch baḌī rakhnā

gamle meñ bhalā kis ne bargad ko ugāyā hai

jo aañkh kī had meñ thā dekhā hai vahī pahle

phir dil kī nigāhoñ ne kuchh aur dikhāyā hai

duniya ne yahi mujh ko har bar bataya hai

koi bhi nahin apna har shaKHs paraya hai

ye waqt mujhe aksar leta hai nishane par

main ne bhi ise apna andaz dikhaya hai

aandhi ne girae hain kuchh peD baDe lekin

mushkil mein khaDe rahna ye paTh paDhaya hai

ek rah juda hoti ek rah nazar aati

manzil ka pata us ne kuchh yun bhi bataya hai

karna hai baDa KHud ko to soch baDi rakhna

gamle mein bhala kis ne bargad ko ugaya hai

jo aankh ki had mein tha dekha hai wahi pahle

phir dil ki nigahon ne kuchh aur dikhaya hai