duniya se talluq to nibhana hi paDega

duniyā se ta.alluq to nibhānā hī paḌegā

ham kyā haiñ zamāne ko batānā hī paḌegā

ye log samajhte haiñ kahāñ ramz-o-kināya

uslūb nayā koī banānā hī paḌegā

kuchh der mirī aañkh meñ tū jaag rahā hai

kuchh der sitāroñ ko jagānā hī paḌegā

pheñkā thā jise ham ne kabhī khoTā samajh kar

lagtā hai vo sikka bhī chalānā hī paḌegā

ma.alūm to ho kaun hai ab merā vafādār

ik raat charāġhoñ ko bujhānā hī paḌegā

jis aañkh meñ har-vaqt chamakte haiñ sitāre

us aañkh se ik ḳhvāb churānā hī paḌegā

duniya se talluq to nibhana hi paDega

hum kya hain zamane ko batana hi paDega

ye log samajhte hain kahan ramz-o-kinaya

uslub naya koi banana hi paDega

kuchh der meri aankh mein tu jag raha hai

kuchh der sitaron ko jagana hi paDega

phenka tha jise hum ne kabhi khoTa samajh kar

lagta hai wo sikka bhi chalana hi paDega

malum to ho kaun hai ab mera wafadar

ek raat charaghon ko bujhana hi paDega

jis aankh mein har-waqt chamakte hain sitare

us aankh se ek KHwab churana hi paDega