duniya se ulajhna hi muqaddar mein likha kyon

duniyā se ulajhnā hī muqaddar meñ likhā kyoñ

khultā nahīñ mujh par jo huā hai vo huā kyoñ

is shahr meñ patthar kī sadā.eñ haiñ kahāñ tak

huuñ soch kī dahlīz pe sar rakh ke paḌā kyoñ

har samt sulagte hue manzar haiñ abhī tak

tahzīb kā manzar mirī āñkhoñ meñ rahā kyoñ

har sub.h dhuāñ hotā huā dekhā hai ḳhud ko

phir bhī maiñ diyā ban ke sar-e-shām jalā kyoñ

har lamha mire ḳhvāb ko ta.amīr kiyā to

har lamha use vaqt ne mismār kiyā kyoñ

duniya se ulajhna hi muqaddar mein likha kyon

khulta nahin mujh par jo hua hai wo hua kyon

is shahr mein patthar ki sadaen hain kahan tak

hun soch ki dahliz pe sar rakh ke paDa kyon

har samt sulagte hue manzar hain abhi tak

tahzib ka manzar meri aankhon mein raha kyon

har subh dhuan hota hua dekha hai KHud ko

phir bhi main diya ban ke sar-e-sham jala kyon

har lamha mere KHwab ko tamir kiya to

har lamha use waqt ne mismar kiya kyon