duniya tanz kare to aah-o-zari kya

duniyā tanz kare to āh-o-zārī kyā

ham donoñ ko milne meñ dushvārī kyā

shādābī chehroñ par hotī hai tahrīr

zinda diloñ par chhātī hai be-zārī kyā

firqa-vārī amn shahr kā chhīnegī

aag na jo bhaḌkā.e vo chiñgārī kyā

āñkheñ phoḌeñ yā phir jaan hī de deñ ham

himmat TuuTī ishq kī baazī haarī kiyā

shahr meñ jaao rizq milegā koshish se

ghar meñ baiThe miTtī hai bekārī kyā

vaqt burā ho to tadbīreñ lā-hāsil

kaam aa.egī aise meñ hushyārī kyā

ham jaisoñ se bin matlab kab milte haiñ

dhan vāloñ se nibhtī bhī hai yaarī kyā

duniya tanz kare to aah-o-zari kya

hum donon ko milne mein dushwari kya

shadabi chehron par hoti hai tahrir

zinda dilon par chhati hai be-zari kya

firqa-wari amn shahr ka chhinegi

aag na jo bhaDkae wo chingari kya

aankhen phoDen ya phir jaan hi de den hum

himmat TuTi ishq ki bazi haari kiya

shahr mein jao rizq milega koshish se

ghar mein baiThe miTti hai bekari kya

waqt bura ho to tadbiren la-hasil

kaam aaegi aise mein hushyari kya

hum jaison se bin matlab kab milte hain

dhan walon se nibhti bhi hai yari kya