Duba hun to kis shaKHs ka chehra nahin utra

Duubā huuñ to kis shaḳhs kā chehra nahīñ utrā

maiñ dard ke qulzum meñ bhī tanhā nahīñ utrā

zanjīr-e-nafas likhtī rahī dard kī āyāt

ik pal ko magar sukh kā sahīfa nahīñ utrā

insān muallaq haiñ ḳhalāoñ ke bhañvar meñ

ashjār se lagtā hai ki dariyā nahīñ utrā

sunte haiñ ki is peḌ se ThanDak hī milegī

shāḳhoñ ke darīchoñ se to jhoñkā nahīñ utrā

pathrā.ī huī āñkhoñ pe hairāñ na ho itnā

is shahr meñ koī bhī to zinda nahīñ utrā

sahrā-e-badan ko thī talab saa.e kī lekin

ik shaḳhs bhī me.aar pe puurā nahīñ utrā

sūraj kī talab meñ ka.ī nazrāne diye haiñ

ghar ke dar-o-dīvār se saaya nahīñ utrā

Duba hun to kis shaKHs ka chehra nahin utra

main dard ke qulzum mein bhi tanha nahin utra

zanjir-e-nafas likhti rahi dard ki aayat

ek pal ko magar sukh ka sahifa nahin utra

insan muallaq hain KHalaon ke bhanwar mein

ashjar se lagta hai ki dariya nahin utra

sunte hain ki is peD se ThanDak hi milegi

shaKHon ke darichon se to jhonka nahin utra

pathrai hui aankhon pe hairan na ho itna

is shahr mein koi bhi to zinda nahin utra

sahra-e-badan ko thi talab sae ki lekin

ek shaKHs bhi mear pe pura nahin utra

suraj ki talab mein kai nazrane diye hain

ghar ke dar-o-diwar se saya nahin utra