dur dil ka malal karte hain

duur dil kā malāl karte haiñ

silsile sab bahāl karte haiñ

dil ko phir pā.emāl karte haiñ

ḳhud ko yuuñ lā-zavāl karte haiñ

hālat-e-hijr dekh lete haiñ

ārzū-e-visāl karte haiñ

rāste meñ bichhe raheñ kab tak

nain mere savāl karte haiñ

aur koī bhī kar nahīñ saktā

aap jitnā ḳhayāl karte haiñ

log aise yahāñ bhī baste haiñ

jo ki jiinā muhāl karte haiñ

aap kyoñ merī fikr meñ apne

rā.egāñ māh-o-sāl karte haiñ

ek jaadū sā mujh pe aksar hī

ishq ke ḳhadd-o-ḳhāl karte haiñ

dur dil ka malal karte hain

silsile sab bahaal karte hain

dil ko phir paemal karte hain

KHud ko yun la-zawal karte hain

haalat-e-hijr dekh lete hain

aarzu-e-visal karte hain

raste mein bichhe rahen kab tak

nain mere sawal karte hain

aur koi bhi kar nahin sakta

aap jitna KHayal karte hain

log aise yahan bhi baste hain

jo ki jina muhaal karte hain

aap kyon meri fikr mein apne

raegan mah-o-sal karte hain

ek jadu sa mujh pe aksar hi

ishq ke KHadd-o-KHal karte hain