dur jaane ke tumhaare din jo pas aane lage

duur jaane ke tumhāre din jo paas aane lage

titliyāñ aatī haiñ kam kam gul bhī murjhāne lage

lauT jaane kā irāda tum ne jab zāhir kiyā

hāl-e-furqat soch kar ham ro.e ghabrāne lage

aaj din vo aa gayā hai jis kā sochā bhī na thā

ham na the kal tak kisī ke tere kahlāne lage

jānte ho jaañ bhī de deñge tumhāre naam par

phir batāo ham tumheñ kyoñ itne begāne lage

sāniha tujh se bichhaḌ jaane kā aisā hai ki dost

āñsuoñ meñ Duub kar ham dil ko bahlāne lage

sun ke tote kī sadā bhī muntazir un ke hue

dekhiye kis kis kī ab bātoñ meñ ham aane lage

ho ga.ī ulfat unheñ bhī aaj ham se āḳhirash

dekh kar vo aa.ina ab ḳhud se sharmāne lage

ek din denā paḌegā apne jurmoñ kā hisāb

kitne haiñ dastūr toḌe kitne jurmāne lage

haal kaise ho gayā 'hāsil' kā kyā batlā.eñ ab

jab bhī koī baat kī vo ham ko dīvāne lage

dur jaane ke tumhaare din jo pas aane lage

titliyan aati hain kam kam gul bhi murjhane lage

lauT jaane ka irada tum ne jab zahir kiya

haal-e-furqat soch kar hum roe ghabrane lage

aaj din wo aa gaya hai jis ka socha bhi na tha

hum na the kal tak kisi ke tere kahlane lage

jaante ho jaan bhi de denge tumhaare nam par

phir batao hum tumhein kyon itne begane lage

saniha tujh se bichhaD jaane ka aisa hai ki dost

aansuon mein Dub kar hum dil ko bahlane lage

sun ke tote ki sada bhi muntazir un ke hue

dekhiye kis kis ki ab baaton mein hum aane lage

ho gai ulfat unhen bhi aaj hum se aaKHirash

dekh kar wo aaina ab KHud se sharmane lage

ek din dena paDega apne jurmon ka hisab

kitne hain dastur toDe kitne jurmane lage

haal kaise ho gaya 'hasil' ka kya batlaen ab

jab bhi koi baat ki wo hum ko diwane lage