dur karne ko teri zulf ka KHam utrenge

duur karne ko tirī zulf kā ḳham utreñge

āsmānoñ ke sitāre koī dam utreñge

hausla aur zarā hausla ai sang-ba-dast

vaqt aa.egā to ḳhud shāḳh se ham utreñge

ek ummīd pe ta.amīr kiyā hai ghar ko

us ke āñgan meñ kabhī tere qadam utreñge

hameñ likhnā hai zamīñ vāloñ ke ġham kā nauha

āsmānoñ se kisī roz qalam utreñge

itnī aaheñ na bharo ashk na saare bah jaa.eñ

tab-e-nāzuk pe abhī aur bhī ġham utreñge

jaise ham aañkh milā kar tire dil meñ aa.e

log is zīna-e-dushvār se kam utreñge

shād-o-shādāb usī vaqt rahūñgā 'yāsir'

sar-e-qirtās jab ash.ār ke yam utreñge

dur karne ko teri zulf ka KHam utrenge

aasmanon ke sitare koi dam utrenge

hausla aur zara hausla ai sang-ba-dast

waqt aaega to KHud shaKH se hum utrenge

ek ummid pe tamir kiya hai ghar ko

us ke aangan mein kabhi tere qadam utrenge

hamein likhna hai zamin walon ke gham ka nauha

aasmanon se kisi roz qalam utrenge

itni aahen na bharo ashk na sare bah jaen

tab-e-nazuk pe abhi aur bhi gham utrenge

jaise hum aankh mila kar tere dil mein aae

log is zina-e-dushwar se kam utrenge

shad-o-shadab usi waqt rahunga 'yasir'

sar-e-qirtas jab ashaar ke yam utrenge