dur koi ho yahi haal hamesha dekha

duur koī ho yahī haal hamesha dekhā

TūTtā roz ġharīboñ kā bharosa dekhā

aur kuchh bhī nahīñ bhātā hai inheñ duniyā meñ

jab se āñkhoñ ne sanam aap kā chehra dekhā

sāmne dekh paḌī zar kī tijorī yaaro

pal meñ insān kā īmān badaltā dekhā

zindagī bhar kī taḌap dard-bharī tanhā.ī

‘ishq-bāzī kā yahī jag meñ natīja dekhā

dil meñ ik Tiis uThī āñkhoñ meñ aañsū aa.e

jab bhī 'āshiq kā kisī jag meñ janāza dekhā

merī mayyat pe vo aa.e to ye kahnā us se

tere 'āshiq ne tirā aaj bhī rasta dekhā

vo ho zardār koī yā ho vo muflis 'hīrā'

ġham ke dariyā meñ har ik shaḳhs ko Duubā dekhā

dur koi ho yahi haal hamesha dekha

TuTta roz gharibon ka bharosa dekha

aur kuchh bhi nahin bhata hai inhen duniya mein

jab se aankhon ne sanam aap ka chehra dekha

samne dekh paDi zar ki tijori yaro

pal mein insan ka iman badalta dekha

zindagi bhar ki taDap dard-bhari tanhai

‘ishq-bazi ka yahi jag mein natija dekha

dil mein ek Tis uThi aankhon mein aansu aae

jab bhi 'ashiq ka kisi jag mein janaza dekha

meri mayyat pe wo aae to ye kahna us se

tere 'ashiq ne tera aaj bhi rasta dekha

wo ho zardar koi ya ho wo muflis 'hira'

gham ke dariya mein har ek shaKHs ko Duba dekha