dur mujhse le gain mujhko meri hairaniyan

duur mujh se le ga.iiñ mujh ko mirī hairāniyāñ

aur le Dūbīñ nazar ko diid kī āsāniyāñ

yaad aatā hai achānak jab koī rangīñ jamāl

gulsitāñ-andāz hotī haiñ mirī vīrāniyāñ

arsa-e-hastī to hai ab tang ahl-e-dard par

aur kis din kaam ā.eñgī karam-arzāniyāñ

husn kī nazroñ kā markaz hai nigāh-e-shauq bhī

diid ke qābil haiñ zauq-e-dīd kī hairāniyāñ

kaisā jalva jab nazar hī dekhne vaalī na ho

'ishq ke dam se haiñ qaa.em husn kī tābāniyāñ

madd-o-jazr-e-bahr-e-hastī koī dam kī baat hai

dāman-e-sāhil meñ gum ho jā.eñgī tuġhyāniyāñ

hosh kho kar hosh meñ aane kī sūrat ho ga.ī

'aql kī ḳhush-fahmiyāñ sābit huiiñ nādāniyāñ

parde parde meñ 'ajab jaadū chalā taqdīr kā

mushkileñ bantī ga.iiñ tadbīr kī āsāniyāñ

ab shahīdān-e-vafā bhī haiñ vafā-nā-āshnā

nām-e-ulfat par huī hoñgī kabhī qurbāniyāñ

dur mujh se le gain mujh ko meri hairaniyan

aur le Dubin nazar ko did ki aasaniyan

yaad aata hai achanak jab koi rangin jamal

gulsitan-andaz hoti hain meri viraniyan

arsa-e-hasti to hai ab tang ahl-e-dard par

aur kis din kaam aaengi karam-arzaniyan

husn ki nazron ka markaz hai nigah-e-shauq bhi

did ke qabil hain zauq-e-did ki hairaniyan

kaisa jalwa jab nazar hi dekhne wali na ho

'ishq ke dam se hain qaem husn ki tabaniyan

madd-o-jazr-e-bahr-e-hasti koi dam ki baat hai

daman-e-sahil mein gum ho jaengi tughyaniyan

hosh kho kar hosh mein aane ki surat ho gai

'aql ki KHush-fahmiyan sabit huin nadaniyan

parde parde mein 'ajab jadu chala taqdir ka

mushkilen banti gain tadbir ki aasaniyan

ab shahidan-e-wafa bhi hain wafa-na-ashna

nam-e-ulfat par hui hongi kabhi qurbaniyan