dur sahra ki kaDi dhup mein chhanw jaisa
duur sahrā kī kaḌī dhuup meñ chhāñv jaisā
vo to lagtā thā mujhe merī duāoñ jaisā
ik riyāsat thī mire paas navāboñ jaisī
ab tire shahr meñ phirtā huuñ gadāoñ jaisā
ab use DhūñDhtā phirtā huuñ bayābānoñ meñ
jo mire paas se guzrā thā havāoñ jaisā
tū na thā paas to rūThī thiiñ bahāreñ mujh se
jaise mausam ho mire saath ḳhizāoñ jaisā
ruḳh-e-raushan se nikaltī thiiñ shuā.eñ 'ovais'
us kī zulfoñ meñ nazāra thā ghaTāoñ jaisā
dur sahra ki kaDi dhup mein chhanw jaisa
wo to lagta tha mujhe meri duaon jaisa
ek riyasat thi mere pas nawabon jaisi
ab tere shahr mein phirta hun gadaon jaisa
ab use DhunDhta phirta hun bayabanon mein
jo mere pas se guzra tha hawaon jaisa
tu na tha pas to ruThi thin bahaaren mujh se
jaise mausam ho mere sath KHizaon jaisa
ruKH-e-raushan se nikalti thin shuaen 'owais'
us ki zulfon mein nazara tha ghaTaon jaisa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
