dur tak bas ek dhundalka gard-e-tanhai ka tha
duur tak bas ik dhundalkā gard-e-tanhā.ī kā thā
rāstoñ ko ranj merī ābla-pā.ī kā thā
fasl-e-gul ruḳhsat huī to vahshateñ bhī miT ga.iiñ
haT gayā saaya jo ik āseb-e-sahrā.ī kā thā
toḌ hī Daalā samundar ne tilism-e-ḳhud-sarī
zom kyā kyā sāhiloñ ko apnī pahnā.ī kā thā
aur mub.ham ho gayā paiham mulāqātoñ ke saath
vo jo ik mauhūm sā rishta shanāsā.ī kā thā
ḳhaak ban kar pattiyāñ mauj-e-havā se jā milīñ
der se 'akbar' guloñ par qarz purvā.ī kā thā
dur tak bas ek dhundalka gard-e-tanhai ka tha
raston ko ranj meri aabla-pai ka tha
fasl-e-gul ruKHsat hui to wahshaten bhi miT gain
haT gaya saya jo ek aaseb-e-sahrai ka tha
toD hi Dala samundar ne tilism-e-KHud-sari
zom kya kya sahilon ko apni pahnai ka tha
aur mubham ho gaya paiham mulaqaton ke sath
wo jo ek mauhum sa rishta shanasai ka tha
KHak ban kar pattiyan mauj-e-hawa se ja milin
der se 'akbar' gulon par qarz purwai ka tha
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
