dur tak jab dida-e-namnak dekhe jaenge

duur tak jab dīda-e-namnāk dekhe jā.eñge

shahr ke sab zālim-o-saffāk dekhe jā.eñge

bolne par jab yahāñ pābandiyāñ lag jā.eñgī

aise aalam meñ bhī ham be-bāk dekhe jā.eñge

jab barahna nasl-e-nau puurī tarah ho jā.egī

ham to tab bhī sāhib-e-poshāk dekhe jā.eñge

jab mahāz-e-ishq se aa.egī āvāz-e-vafā

sab se aage ham garebāñ-chāk dekhe jā.eñge

husn ke dariyā kī tah se siip laane ke liye

phir mire jaise na.e tairāk dekhe jā.eñge

kyā guzar ham jaise nā-fahmoñ kā un kī bazm meñ

jalva-farmā sāhib-e-idrāk dekhe jā.eñge

dur tak jab dida-e-namnak dekhe jaenge

shahr ke sab zalim-o-saffak dekhe jaenge

bolne par jab yahan pabandiyan lag jaengi

aise aalam mein bhi hum be-bak dekhe jaenge

jab barahna nasl-e-nau puri tarah ho jaegi

hum to tab bhi sahib-e-poshak dekhe jaenge

jab mahaz-e-ishq se aaegi aawaz-e-wafa

sab se aage hum gareban-chaak dekhe jaenge

husn ke dariya ki tah se sip lane ke liye

phir mere jaise nae tairak dekhe jaenge

kya guzar hum jaise na-fahmon ka un ki bazm mein

jalwa-farma sahib-e-idrak dekhe jaenge