duriyan sari simaT kar rah gain aisa laga
dūriyāñ saarī simaT kar rah ga.iiñ aisā lagā
muuñd lī jab aañkh to siine se koī aa lagā
kis qadar apnā.iyat us ajnabī bastī meñ thī
go ki har chehra thā begāna magar apnā lagā
paas se ho kar jo vo jaatā to ḳhush hote magar
us kā katrā kar guzarnā bhī hameñ achchhā lagā
us ghaḌī kyā kaifiyat dil kī thī kuchh ham bhī suneñ
tū ne pahlī baar jab dekhā hameñ kaisā lagā
jis qadar gunjān ābādī thī us ke shahr kī
jaane kyuuñ har shaḳhs ham ko is qadar tanhā lagā
jism kā ātish-kada le kar to pahuñche the vahāñ
haath jab us kā chhuā to barf se ThanDā lagā
jab kisī shīrīñ-dahan se guftugū kī ai 'qamar'
apnā lahja bhī hameñ us kī tarah mīThā lagā
duriyan sari simaT kar rah gain aisa laga
mund li jab aankh to sine se koi aa laga
kis qadar apnaiyat us ajnabi basti mein thi
go ki har chehra tha begana magar apna laga
pas se ho kar jo wo jata to KHush hote magar
us ka katra kar guzarna bhi hamein achchha laga
us ghaDi kya kaifiyat dil ki thi kuchh hum bhi sunen
tu ne pahli bar jab dekha hamein kaisa laga
jis qadar gunjaan aabaadi thi us ke shahr ki
jaane kyun har shaKHs hum ko is qadar tanha laga
jism ka aatish-kada le kar to pahunche the wahan
hath jab us ka chhua to barf se ThanDa laga
jab kisi shirin-dahan se guftugu ki ai 'qamar'
apna lahja bhi hamein us ki tarah miTha laga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
