ehsan hai go tera sitam uTh nahin sakta

ehsān hai go terā sitam uTh nahīñ saktā

ḳhud.dār se ye bār-e-karam uTh nahīñ saktā

ḳhud but ke pujārī na samajh paa.e haqīqat

tum se ye hijāb ahl-e-haram uTh nahīñ saktā

ab but haiñ haram meñ na tajallī-e-butāñ hai

ka.abe kī taraf merā qadam uTh nahīñ saktā

jis dard pe nāzāñ haiñ shahīdān-e-mohabbat

vo dil meñ kabhī tere sanam uTh nahīñ saktā

huuñ rāhat-o-ārām se imdād kā tālib

ab dil se mire bār-e-alam uTh nahīñ saktā

e.azāz ye hāsil hai faqat ahl-e-qalam ko

har ek se hāthoñ meñ qalam uTh nahīñ saktā

ehsan hai go tera sitam uTh nahin sakta

KHuddar se ye bar-e-karam uTh nahin sakta

KHud but ke pujari na samajh pae haqiqat

tum se ye hijab ahl-e-haram uTh nahin sakta

ab but hain haram mein na tajalli-e-butan hai

kabe ki taraf mera qadam uTh nahin sakta

jis dard pe nazan hain shahidan-e-mohabbat

wo dil mein kabhi tere sanam uTh nahin sakta

hun rahat-o-aram se imdad ka talib

ab dil se mere bar-e-alam uTh nahin sakta

eazaz ye hasil hai faqat ahl-e-qalam ko

har ek se hathon mein qalam uTh nahin sakta