ehsan le na himmat-e-mardana chhoD kar

ehsān le na himmat-e-mardāna chhoḌ kar

rasta bhī chal tū sabza-e-begāna chhoḌ kar

marne ke ba.ad phir nahīñ koī sharīk-e-hāl

jaatā hai sham-e-kushta ko parvāna chhoḌ kar

hoñToñ pe aaj tak haiñ shab-e-aish ke maze

saaqī kā lab liyā lab-e-paimāna chhoḌ kar

af.ī nahīñ khulī huī zulfoñ kā aks hai

jaate kahāñ ho ā.īna o shāna chhoḌ kar

tūl-e-amal pe dil na lagānā ki ahl-e-bazm

jā.eñge nā-tamām ye afsāna chhoḌ kar

labrez jām-e-umr huā aa ga.ī ajal

lo uTh ga.e bharā huā paimāna chhoḌ kar

us pīr-zāl-e-dahr kī ham Thokaroñ meñ haiñ

jab se ga.ī hai himmat-e-mardāna chhoḌ kar

pahroñ hamārā aap meñ aanā muhāl hai

kosoñ nikal gayā dil-e-dīvāna chhoḌ kar

utrā jo shīsha taaq se zāhid kā hai ye haal

kartā hai raqs sajda-e-shukrāna chhoḌ kar

ye sum.a-o-riyā to nishānī hai kufr kī

zunnār bāñdh sub.ha-e-sad-dāna chhoḌ kar

rindān-e-mai-kada bhī haiñ ai ḳhizr muntazir

bastī meñ aa.iye kabhī vīrāna chhoḌ kar

ehsān sar pe laġhzish-e-mastāna kā huā

ham do qadam na jā sake mai-ḳhāna chhoḌ kar

vaadī bahut muhīb hai bīm-o-umīd kā

dekheñge sher par dil-e-dīvāna chhoḌ kar

ro ro ke kar rahī hai surāhī vidā.a use

jaatā hai duur duur jo paimāna chhoḌ kar

tauba to kī hai 'nazm' binā hogī kis tarah

kyūñ-kar jiyoge mashrab-e-rindāna chhoḌ kar

ehsan le na himmat-e-mardana chhoD kar

rasta bhi chal tu sabza-e-begana chhoD kar

marne ke baad phir nahin koi sharik-e-haal

jata hai sham-e-kushta ko parwana chhoD kar

honTon pe aaj tak hain shab-e-aish ke maze

saqi ka lab liya lab-e-paimana chhoD kar

afi nahin khuli hui zulfon ka aks hai

jate kahan ho aaina o shana chhoD kar

tul-e-amal pe dil na lagana ki ahl-e-bazm

jaenge na-tamam ye afsana chhoD kar

labrez jam-e-umr hua aa gai ajal

lo uTh gae bhara hua paimana chhoD kar

us pir-zal-e-dahr ki hum Thokaron mein hain

jab se gai hai himmat-e-mardana chhoD kar

pahron hamara aap mein aana muhaal hai

koson nikal gaya dil-e-diwana chhoD kar

utra jo shisha taq se zahid ka hai ye haal

karta hai raqs sajda-e-shukrana chhoD kar

ye suma-o-riya to nishani hai kufr ki

zunnar bandh subha-e-sad-dana chhoD kar

rindan-e-mai-kada bhi hain ai KHizr muntazir

basti mein aaiye kabhi virana chhoD kar

ehsan sar pe laghzish-e-mastana ka hua

hum do qadam na ja sake mai-KHana chhoD kar

wadi bahut muhib hai bim-o-umid ka

dekhenge sher par dil-e-diwana chhoD kar

ro ro ke kar rahi hai surahi widaa use

jata hai dur dur jo paimana chhoD kar

tauba to ki hai 'nazm' bina hogi kis tarah

kyun-kar jiyoge mashrab-e-rindana chhoD kar