ehsas-e-KHushi miT jata hai afsurda tabiat hoti hai
ehsās-e-ḳhushī miT jaatā hai afsurda tabī.at hotī hai
dil par vo ghaḌī bhī aatī hai jab ġham kī zarūrat hotī hai
do harf bhī mere sun na sake tum itne kyuuñ bezār hue
maiñ ne tumheñ apnā samjhā thā apnoñ se shikāyat hotī hai
ye sūd-o-ziyāñ ke paimāne ye jhūTe sachche afsāne
in ahl-e-havas kī bātoñ se badnām mohabbat hotī hai
ik dūsrī botal aane tak ye durd-e-tah-e-sāġhar hī sahī
aur tishna-e-mai betāb na ho saaqī ko nadāmat hotī hai
'māhir' kī saada bātoñ se allāh bachātā hai rakkhe
ḳhud to ye baḌe hī hazrat haiñ auroñ ko nasīhat hotī hai
ehsas-e-KHushi miT jata hai afsurda tabiat hoti hai
dil par wo ghaDi bhi aati hai jab gham ki zarurat hoti hai
do harf bhi mere sun na sake tum itne kyun bezar hue
main ne tumhein apna samjha tha apnon se shikayat hoti hai
ye sud-o-ziyan ke paimane ye jhuTe sachche afsane
in ahl-e-hawas ki baaton se badnam mohabbat hoti hai
ek dusri botal aane tak ye durd-e-tah-e-saghar hi sahi
aur tishna-e-mai betab na ho saqi ko nadamat hoti hai
'mahir' ki sada baaton se allah bachata hai rakkhe
KHud to ye baDe hi hazrat hain auron ko nasihat hoti hai
- Book : Nuquush Lahore (Pg. 341)
- Author : Mohd Tufail
- Publication : Idara Farog-e-urdu, Lahore (Feb.1956 )
- Edition : Feb.1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
