ehtiyatan use chhua nahin hai

ehtiyātan use chhuā nahīñ hai

aadmī hai koī ḳhudā nahīñ hai

dasht meñ aate jaate rahte haiñ

ye hamāre liye nayā nahīñ hai

tum samajhte ho nāḳhudā ḳhud ko

tum pe dariyā abhī khulā nahīñ hai

jis kā hal sochne meñ vaqt lage

vo mohabbat hai mas.ala nahīñ hai

baaġh par sher kahne vāloñ kā

ek misra.a harā-bharā nahīñ hai

ret hī ret hai tah-e-dariyā

ya.anī sahrā abhī mirā nahīñ hai

aao chalte haiñ ab ḳhalā kī taraf

sun rahe haiñ vahāñ ḳhalā nahīñ hai

ehtiyatan use chhua nahin hai

aadmi hai koi KHuda nahin hai

dasht mein aate jate rahte hain

ye hamare liye naya nahin hai

tum samajhte ho naKHuda KHud ko

tum pe dariya abhi khula nahin hai

jis ka hal sochne mein waqt lage

wo mohabbat hai masala nahin hai

bagh par sher kahne walon ka

ek misra hara-bhara nahin hai

ret hi ret hai tah-e-dariya

yani sahra abhi mera nahin hai

aao chalte hain ab KHala ki taraf

sun rahe hain wahan KHala nahin hai