ek aalam hai ye hairani ka jina kaisa
ek aalam hai ye hairānī kā jiinā kaisā
kuchh nahīñ hone ko hai apnā ye honā kaisā
ḳhuun jamtā sā rag-o-pai meñ hue shal ehsās
dekhe jaatī hai nazar haul tamāshā kaisā
regzāroñ meñ sarāboñ ke sivā kyā miltā
ye to mālūm thā hai ab ye achambhā kaisā
aable paañv ke sab phuuT bahe be-nishtar
raas aayā hameñ in ḳhāroñ pe chalnā kaisā
phir kabhī socheñge sach kyā hai abhī to sun leñ
log kis kis ke liye kahte haiñ kaisā kaisā
suuī āñkhoñ kī bhī maiñ ne hī nikālī thī magar
dekh ke bhī mujhe us ne nahīñ dekhā kaisā
kitnī saada thī hathelī mirī rañgīn huī
merī uñglī meñ utar aayā hai kāñTā kaisā
ā.īna dekhiye 'bilqīs' yahī haiñ kyā aap
aap ne apnā banā rakkhā hai huliya kaisā
ek aalam hai ye hairani ka jina kaisa
kuchh nahin hone ko hai apna ye hona kaisa
KHun jamta sa rag-o-pai mein hue shal ehsas
dekhe jati hai nazar haul tamasha kaisa
regzaron mein sarabon ke siwa kya milta
ye to malum tha hai ab ye achambha kaisa
aable panw ke sab phuT bahe be-nishtar
ras aaya hamein in KHaron pe chalna kaisa
phir kabhi sochenge sach kya hai abhi to sun len
log kis kis ke liye kahte hain kaisa kaisa
sui aankhon ki bhi main ne hi nikali thi magar
dekh ke bhi mujhe us ne nahin dekha kaisa
kitni sada thi hatheli meri rangin hui
meri ungli mein utar aaya hai kanTa kaisa
aaina dekhiye 'bilqis' yahi hain kya aap
aap ne apna bana rakkha hai huliya kaisa
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
