ek an-dekha sa sahra daera-dar-daera

ek an-dekhā sā sahrā dā.era-dar-dā.era

aur maiñ sadiyoñ kā pyāsā dā.era-dar-dā.era

dil meñ ik biite hue mauhūm lamhe kī kasak

aañkh meñ ‘aks-e-tamanna dā.era-dar-dā.era

āsmāñ kī vus'ateñ aur sa'i-e-lā-hāsil meñ gum

par-burīda ik parinda dā.era-dar-dā.era

ik hujūm-e-nā’ra-zan hai dā.ere ke ās-pās

aur maiñ paiham tamāshā dā.era-dar-dā.era

rāste masdūd the lekin rahā 'azm-e-safar

maiñ ne harf-e-shauq likkhā dā.era-dar-dā.era

ek an-dekha sa sahra daera-dar-daera

aur main sadiyon ka pyasa daera-dar-daera

dil mein ek bite hue mauhum lamhe ki kasak

aankh mein ‘aks-e-tamanna daera-dar-daera

aasman ki wus'aten aur sa'i-e-la-hasil mein gum

par-burida ek parinda daera-dar-daera

ek hujum-e-na’ra-zan hai daere ke aas-pas

aur main paiham tamasha daera-dar-daera

raste masdud the lekin raha 'azm-e-safar

main ne harf-e-shauq likkha daera-dar-daera