ek arsa tak liya hai dushmani ka jaeza

ek arsa tak liyā hai dushmanī kā jā.eza

aur kyā lete kisī kī dostī kā jā.eza

duur karne meñ rahe ham do diloñ kī talḳhiyāñ

dost lete hī rahe tar-dāmanī kā jā.eza

har ravish se uTh rahā hai sahn-e-gulshan kī dhuāñ

lījiye āh-o-fuġhāñ o be-kasī kā jā.eza

aap par us kī haqīqat ḳhud-baḳhud khul jā.egī

lījiye to raushnī se tīrgī kā jā.eza

ghar se jo le kar nikaltā hai irāda āhanī

vo liyā kartā hai be-shak vaqt hī kā jā.eza

shakl se kuchh aur hī lagtā hai dil se aur hī

aadmī aise meñ kyā le aadmī kā jā.eza

hashr se pahle qayāmat 'anvarī' hai kis liye

hosh hai to leñ zarā ham sab usī kā jā.eza

ek arsa tak liya hai dushmani ka jaeza

aur kya lete kisi ki dosti ka jaeza

dur karne mein rahe hum do dilon ki talKHiyan

dost lete hi rahe tar-damani ka jaeza

har rawish se uTh raha hai sahn-e-gulshan ki dhuan

lijiye aah-o-fughan o be-kasi ka jaeza

aap par us ki haqiqat KHud-baKHud khul jaegi

lijiye to raushni se tirgi ka jaeza

ghar se jo le kar nikalta hai irada aahani

wo liya karta hai be-shak waqt hi ka jaeza

shakl se kuchh aur hi lagta hai dil se aur hi

aadmi aise mein kya le aadmi ka jaeza

hashr se pahle qayamat 'anwari' hai kis liye

hosh hai to len zara hum sab usi ka jaeza