ek barsat mein maidan samundar hoga
ek barsāt meñ maidān samundar hogā
dard sochā nahīñ thā soch se baḌh kar hogā
vo jo aa.egā mire paas masīhā ban kar
us ke hāthoñ meñ mire naam kā ḳhanjar hogā
tez chalne se hai maqsūd ravānī sun lo
thak ke jo baiTh gayā miil kā patthar hogā
laakh lete raho hāthoñ kī talāshī mere
jo bhī andar hai mire zehn ke andar hogā
surḳh āñkhoñ kā kahāñ rañg huā kartā hai
ḳhuun meñ lipTe hue ḳhvāb kā manzar hogā
jo girā degā mujhe taash ke pattoñ kī tarah
merī ta.amīr meñ tujh sā koī patthar hogā
ek barsat mein maidan samundar hoga
dard socha nahin tha soch se baDh kar hoga
wo jo aaega mere pas masiha ban kar
us ke hathon mein mere nam ka KHanjar hoga
tez chalne se hai maqsud rawani sun lo
thak ke jo baiTh gaya mil ka patthar hoga
lakh lete raho hathon ki talashi mere
jo bhi andar hai mere zehn ke andar hoga
surKH aankhon ka kahan rang hua karta hai
KHun mein lipTe hue KHwab ka manzar hoga
jo gira dega mujhe tash ke patton ki tarah
meri tamir mein tujh sa koi patthar hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
