ek benam-o-nishan ruh ka paikar hun main

ek benām-o-nishāñ ruuh kā paikar huuñ maiñ

apnī āñkhoñ se ulajhtā huā manzar huuñ maiñ

kaun bahte hue paanī ko sadā detā hai

kaun dariyā se ye kahtā hai samundar huuñ maiñ

mujh ko dam-bhar kī rifāqat bhī havā ko na milī

apnī parchhā.īñ se lipTā huā patthar huuñ maiñ

yahī ujḌī huī bastī hai Thikānā merā

DhūñDne vaale isī ḳhaak ke andar huuñ maiñ

qahr ban jā.eñgī ye ḳhuun kī pyāsī rāheñ

zindagī mujh meñ simaT aa ki tirā ghar huuñ maiñ

ek benam-o-nishan ruh ka paikar hun main

apni aankhon se ulajhta hua manzar hun main

kaun bahte hue pani ko sada deta hai

kaun dariya se ye kahta hai samundar hun main

mujh ko dam-bhar ki rifaqat bhi hawa ko na mili

apni parchhain se lipTa hua patthar hun main

yahi ujDi hui basti hai Thikana mera

DhunDne wale isi KHak ke andar hun main

qahr ban jaengi ye KHun ki pyasi rahen

zindagi mujh mein simaT aa ki tera ghar hun main