ek bewafa ke gham ka tamasha nahin kiya

ek bevafā ke ġham kā tamāsha nahīñ kiyā

yā'nī kisī se hijr kā charchā nahīñ kiyā

samjhā rahā hai mujh ko vo sahrā-navardiyāñ

jis ne ki 'ishq bhī abhī pahlā nahīñ kiyā

jab tak rahā vo shauq se dil meñ rakhā use

is dil ko us ke vāste piñjra nahīñ kiyā

apnī vafā kā is se baḌā kyā subūt duuñ

ruḳhsat to kar diyā use rusvā nahīñ kiyā

apne kiye pe ḳhud hī pashemāñ thā vo 'asar'

so maiñ ne us se koī bhī shikva nahīñ kiyā

ek bewafa ke gham ka tamasha nahin kiya

ya'ni kisi se hijr ka charcha nahin kiya

samjha raha hai mujh ko wo sahra-nawardiyan

jis ne ki 'ishq bhi abhi pahla nahin kiya

jab tak raha wo shauq se dil mein rakha use

is dil ko us ke waste pinjra nahin kiya

apni wafa ka is se baDa kya subut dun

ruKHsat to kar diya use ruswa nahin kiya

apne kiye pe KHud hi pasheman tha wo 'asar'

so main ne us se koi bhi shikwa nahin kiya