ek-dam KHushk mera dida-e-tar hai ki nahin

ek-dam ḳhushk mirā dīda-e-tar hai ki nahīñ

mājare se mire tujh ko bhī ḳhabar hai ki nahīñ

yuuñ to uThte hai mire dil se hazāroñ naale

lekin in ḳhāna-ḳharāboñ meñ asar hai ki nahīñ

haal merā tujhe be-dard nahīñ gar bāvar

dekh le aa ke ki ab nau-e-digar hai ki nahīñ

mere ghar kyūñki tū aave ki galī-kūchoñ meñ

tere mushtāq kahāñ aur kidhar hai ki nahīñ

tujh meñ bū paa.ī na mutlaq kahīñ jinsiyyat kī

nasl-e-ādam se tū ai shoḳh pisar hai ki nahīñ

bul-havas dil ko kar apne zarā bas meñ 'hasrat'

mard-e-be-sabr tujhe kuchh bhī jigar hai ki nahīñ

ek-dam KHushk mera dida-e-tar hai ki nahin

majare se mere tujh ko bhi KHabar hai ki nahin

yun to uThte hai mere dil se hazaron nale

lekin in KHana-KHarabon mein asar hai ki nahin

haal mera tujhe be-dard nahin gar bawar

dekh le aa ke ki ab nau-e-digar hai ki nahin

mere ghar kyunki tu aawe ki gali-kuchon mein

tere mushtaq kahan aur kidhar hai ki nahin

tujh mein bu pai na mutlaq kahin jinsiyyat ki

nasl-e-adam se tu ai shoKH pisar hai ki nahin

bul-hawas dil ko kar apne zara bas mein 'hasrat'

mard-e-be-sabr tujhe kuchh bhi jigar hai ki nahin