ek do tin chaar se pahle

ek do tiin chaar se pahle

bas ḳhudā thā shumār se pahle

mere shahroñ kā haal mat pūchho

raushnī thī ġhubār se pahle

aap mujh ko mile na the yā'nī

dilkashī aur nikhār se pahle

kitne mausam guzar ga.e yūñhī

ab to aa jā bahār se pahle

marne detā nahīñ hai ik chehra

ek mad hai utaar se pahle

ham to apne kabhī hue hī na the

pyaar ke baa'd pyaar se pahle

ehtimām-e-visāl kar liije

zahmat-e-intizār se pahle

mujh ko ḳhud par yaqīñ na thā ik pal

aap par e'tibār se pahle

ek sūrat nazar meñ bantī hai

dast-e-naqsh-o-nigār se pahle

ek sahrā hai aab ke uupar

ik samundar hai ġhaar se pahle

zikr-e-parvardigār thā maujūd

hukm-e-parvardigār se pahle

'ishq bhī toḌ phoḌ kartā hai

jāñch liije buḳhār se pahle

aur ik ishtihār thā chaspāñ

aap ke ishtihār se pahle

ek do tin chaar se pahle

bas KHuda tha shumar se pahle

mere shahron ka haal mat puchho

raushni thi ghubar se pahle

aap mujh ko mile na the ya'ni

dilkashi aur nikhaar se pahle

kitne mausam guzar gae yunhi

ab to aa ja bahaar se pahle

marne deta nahin hai ek chehra

ek mad hai utar se pahle

hum to apne kabhi hue hi na the

pyar ke ba'd pyar se pahle

ehtimam-e-visal kar lije

zahmat-e-intizar se pahle

mujh ko KHud par yaqin na tha ek pal

aap par e'tibar se pahle

ek surat nazar mein banti hai

dast-e-naqsh-o-nigar se pahle

ek sahra hai aab ke upar

ek samundar hai ghaar se pahle

zikr-e-parwardigar tha maujud

hukm-e-parwardigar se pahle

'ishq bhi toD phoD karta hai

jaanch lije buKHar se pahle

aur ek ishtihaar tha chaspan

aap ke ishtihaar se pahle