ek duniya ek jahan tasKHir karne waste

ek duniyā ik jahāñ tasḳhīr karne vāste

ḳhvāb honā chāhiye tā'bīr karne vāste

phuul bhī maujūd haiñ naqsha-garī karnī jo ho

baaġh meñ mahkār hai tā'mīr karne vāste

'ishq chashma hai kahīñ se phuuT saktā hai ma'an

ye havā hotī nahīñ zanjīr karne vāste

khul to jaanā hai bil-āḳhir bhed tere husn kā

ye mo'amma hai zarā tāḳhīr karne vāste

ek do nuqte hamesha chhoḌ dene chāhiyeñ

kār-e-mushkil to nahīñ tasvīr karne vāste

ik fazā mas.hūr-kun aabī parindoñ ke liye

ik samundar hai yahāñ tāsīr karne vāste

ek do aise ishāre hoñ jo khul sakte na hoñ

aadmī hotā nahīñ tafsīr karne vāste

shā'irī hai tere mere vāstoñ kī guftugū

ye nahīñ aurang-e-‘ālamgīr karne vāste

ek duniya ek jahan tasKHir karne waste

KHwab hona chahiye ta'bir karne waste

phul bhi maujud hain naqsha-gari karni jo ho

bagh mein mahkar hai ta'mir karne waste

'ishq chashma hai kahin se phuT sakta hai ma'an

ye hawa hoti nahin zanjir karne waste

khul to jaana hai bil-aKHir bhed tere husn ka

ye mo'amma hai zara taKHir karne waste

ek do nuqte hamesha chhoD dene chahiyen

kar-e-mushkil to nahin taswir karne waste

ek faza mashur-kun aabi parindon ke liye

ek samundar hai yahan tasir karne waste

ek do aise ishaare hon jo khul sakte na hon

aadmi hota nahin tafsir karne waste

sha'iri hai tere mere waston ki guftugu

ye nahin aurang-e-‘alamgir karne waste