ek hangam-e-musalsal hai jo barpa mujh mein

ek hangām-e-musalsal hai jo barpā mujh meñ

kartā rahtā hai udāsī kā izāfa mujh meñ

shaam hote hī maiñ ho jaatā huuñ ā.īna sā

dekh sakte ho sar-e-shām sarāpā mujh meñ

dhuul bādal kī tarah uḌtī chalī jaatī hai

ek lashkar hai kisī or ravāna mujh meñ

jazb hai ek vo aalam ki jo sarshārī meñ

ek arzhang-e-fusūñ-gar hai banātā mujh meñ

toḌ detī hai mirī yaas tahayya merā

bāñdh detā hai koī phir se irāda mujh meñ

ek pātāl thī aur us ke sivā kuchh bhī na thā

maiñ ye samjhā thā ki hai auj-e-surayyā mujh meñ

baa'd muddat jise paa.e binā lauT aaya thā

us mohabbat kā milā mujh ko ḳhazīna mujh meñ

dukh to ye hai yahī sākit kiye detā hai mujhe

ye jo aatā hai nazar ḳhuun sā chaltā mujh meñ

habs baḌhtā hī chalā jaatā hai bātin meñ mire

kaash hotā koī ik-ādh darīcha mujh meñ

ab zamāne meñ huuñ maiñ goyā adam kī sūrat

haañ kisī daur meñ hotā thā zamāna mujh meñ

ab yahāñ koī nahīñ rah gayā sāme.a terā

chheḌ mat ab koī 'shahzād' tū qissa mujh meñ

ek hangam-e-musalsal hai jo barpa mujh mein

karta rahta hai udasi ka izafa mujh mein

sham hote hi main ho jata hun aaina sa

dekh sakte ho sar-e-sham sarapa mujh mein

dhul baadal ki tarah uDti chali jati hai

ek lashkar hai kisi or rawana mujh mein

jazb hai ek wo aalam ki jo sarshaari mein

ek arzhang-e-fusun-gar hai banata mujh mein

toD deti hai meri yas tahayya mera

bandh deta hai koi phir se irada mujh mein

ek patal thi aur us ke siwa kuchh bhi na tha

main ye samjha tha ki hai auj-e-surayya mujh mein

ba'd muddat jise pae bina lauT aaya tha

us mohabbat ka mila mujh ko KHazina mujh mein

dukh to ye hai yahi sakit kiye deta hai mujhe

ye jo aata hai nazar KHun sa chalta mujh mein

habs baDhta hi chala jata hai baatin mein mere

kash hota koi ik-adh daricha mujh mein

ab zamane mein hun main goya adam ki surat

han kisi daur mein hota tha zamana mujh mein

ab yahan koi nahin rah gaya samea tera

chheD mat ab koi 'shahzad' tu qissa mujh mein