ek hasrat jo dil mein dabi rah gai

ek hasrat jo dil meñ dabī rah ga.ī

'umr bhar aañkh meñ phir namī rah ga.ī

jo bhī māñgā ḳhudā se mujhe mil gayā

jaane kyoñ aap kī hī kamī rah ga.ī

jab se rāheñ hamārī huī haiñ judā

har taraf chīḳhtī ḳhāmushī rah ga.ī

aap jab se ga.e haiñ mujhe chhoḌ kar

dil meñ ik dā.imī bekalī rah ga.ī

pī liye saare dariyā magar dosto

kyoñ laboñ par mire tishnagī rah ga.ī

thā jo qismat meñ us kī use mil gayā

merī taqdīr meñ shā'irī rah ga.ī

tum agar mil bhī jaao to kyā fā.eda

zindagī ab kahāñ zindagī rah ga.ī

maut ne ruuh ko jab pukārā 'asar'

haath maltī huī zindagī rah ga.ī

ek hasrat jo dil mein dabi rah gai

'umr bhar aankh mein phir nami rah gai

jo bhi manga KHuda se mujhe mil gaya

jaane kyon aap ki hi kami rah gai

jab se rahen hamari hui hain juda

har taraf chiKHti KHamushi rah gai

aap jab se gae hain mujhe chhoD kar

dil mein ek daimi bekali rah gai

pi liye sare dariya magar dosto

kyon labon par mere tishnagi rah gai

tha jo qismat mein us ki use mil gaya

meri taqdir mein sha'iri rah gai

tum agar mil bhi jao to kya faeda

zindagi ab kahan zindagi rah gai

maut ne ruh ko jab pukara 'asar'

hath malti hui zindagi rah gai