ek hi shamma se har shamma jalai jae

ek hī shamma se har shamma jalā.ī jaa.e

ye kahānī sabhī logoñ ko sunā.ī jaa.e

jis ko andāzā nahīñ raah kī dushvārī kā

aise nādān ko kyā raah dikhā.ī jaa.e

nafrat-o-buġhz ho yā ḳhūn-ḳharāba yā-rab

ab mire mulk se har ek burā.ī jaa.e

sarhadī gāñdhī thā baapū ke vafādāroñ meñ

aaj ke bachchoñ ko ye baat batā.ī jaa.e

muskurāte hue haq baat sar-e-bazm kaho

ye bhī mumkin hai ki āvāz dabā.ī jaa.e

ham meñ zinda hai vafā aaj bhī 'shā.ista-jamāl’

ye kahānī na.e lahja meñ sunā.ī jaa.e

ek hi shamma se har shamma jalai jae

ye kahani sabhi logon ko sunai jae

jis ko andaza nahin rah ki dushwari ka

aise nadan ko kya rah dikhai jae

nafrat-o-bughz ho ya KHun-KHaraba ya-rab

ab mere mulk se har ek burai jae

sarhadi gandhi tha bapu ke wafadaron mein

aaj ke bachchon ko ye baat batai jae

muskuraate hue haq baat sar-e-bazm kaho

ye bhi mumkin hai ki aawaz dabai jae

hum mein zinda hai wafa aaj bhi 'shaista-jamal’

ye kahani nae lahja mein sunai jae