ek hi waqt mein ek jaisi tan-asani mein

ek hī vaqt meñ ik jaisī tan-āsānī meñ

ham baġhal-gīr hue bhī to pareshānī meñ

kākul-afshānī tahayyur kā sabab hai terī

baaġh kā baaġh bhī hai nashsha-e-hairānī meñ

ik alag vaz' meñ rahne kā salīqa hai hameñ

log to jaañ se chale jaate haiñ vīrānī meñ

us kī tasvīr uThā letā huuñ jaate jaate

kuchh to sāmān ho is be-sar-o-sāmānī meñ

kaif mat pūchhiye yuuñ ham se zabūñ-hālī kā

mauj hī mauj hai is chāk-garebānī meñ

irtiqā hai ki ba-tadrīj piye jaatā huuñ

sirf nashsha hī nahīñ hotā farāvānī meñ

aur hī husn-e-nihāyat ko pahuñch jaatā huuñ

tum ne dekhā hī nahīñ mujh ko pareshānī meñ

ek hi waqt mein ek jaisi tan-asani mein

hum baghal-gir hue bhi to pareshani mein

kakul-afshani tahayyur ka sabab hai teri

bagh ka bagh bhi hai nashsha-e-hairani mein

ek alag waz' mein rahne ka saliqa hai hamein

log to jaan se chale jate hain virani mein

us ki taswir uTha leta hun jate jate

kuchh to saman ho is be-sar-o-samani mein

kaif mat puchhiye yun hum se zabun-haali ka

mauj hi mauj hai is chaak-garebani mein

irtiqa hai ki ba-tadrij piye jata hun

sirf nashsha hi nahin hota farawani mein

aur hi husn-e-nihayat ko pahunch jata hun

tum ne dekha hi nahin mujh ko pareshani mein