ek hi zinda bacha hai ye nirala pagal
ek hī zinda bachā hai ye nirālā pāgal
jhuuT ke shahr meñ sach bolne vaalā pāgal
hāthoñ meñ phuul liye aa.e haiñ sab log jahāñ
le ke aayā hai vahāñ paañv kā chhālā pāgal
us kī āñkhoñ meñ ajab nuur thā dānā.ī kā
tum ne mahfil se jise kah ke nikālā pāgal
dhuup hai phailī huī sharq se tā-ġharb magar
bāñTtā phirtā hai duniyā ko ujālā pāgal
jis meñ rakkhe huuñ mohabbat ke ḳhazāne bhar kar
is tijorī ko lagāte nahīñ taalā pāgal
kaun samjhā.e tirī sar-phirī kashtī ko 'salīm'
ḳhūnīñ dariyā se paḌā hai tirā paalā pāgal
ek hi zinda bacha hai ye nirala pagal
jhuT ke shahr mein sach bolne wala pagal
hathon mein phul liye aae hain sab log jahan
le ke aaya hai wahan panw ka chhaala pagal
us ki aankhon mein ajab nur tha danai ka
tum ne mahfil se jise kah ke nikala pagal
dhup hai phaili hui sharq se ta-gharb magar
banTta phirta hai duniya ko ujala pagal
jis mein rakkhe hun mohabbat ke KHazane bhar kar
is tijori ko lagate nahin tala pagal
kaun samjhae teri sar-phiri kashti ko 'salim'
KHunin dariya se paDa hai tera pala pagal
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
