ek ek zarre ko jauhar-ashna maine kiya

ek ik zarre ko jauhar-āshnā maiñ ne kiyā

sho’lagī ke band darvāzoñ ko vā maiñ ne kiyā

thī sarā-e-shām meñ saf tīrgī kī jā-ba-jā

Daal kar shab-ḳhūn kār-e-be-bahā maiñ ne kiyā

maiñ ne 'ālam ko kiyā rāz-āshnā-e-kā.enāt

dīda-o-nādīda sab kuchh zer-e-pā maiñ ne kiyā

chāñd tāroñ se bhī aage pheñk dī maiñ ne kamand

ḳhaak ko masnad-nashīn-e-muntahā maiñ ne kiyā

munkashif pahle kiye kuchh lams-e-lazzat ke rumūz

phir sharāb-e-vasl ko do-ātisha maiñ ne kiyā

dekh kar auj-e-tajallī āñkheñ ḳhīra ho ga.iiñ

jis ghaḌī duniyā pe ḳhud ko aa.ina maiñ ne kiyā

maiñ ne qudrat se liyā husn-e-do-‘ālam kā sabaq

sho'la-e-taḳhrīb ko be-mājrā maiñ ne kiyā

vaz' kar ke āstān-e-yār par marne ke Dhang

qissa-e-dār-o-rasan ko be-maza maiñ ne kiyā

ek ek zarre ko jauhar-ashna main ne kiya

sho’lagi ke band darwazon ko wa main ne kiya

thi sara-e-sham mein saf tirgi ki ja-ba-ja

Dal kar shab-KHun kar-e-be-baha main ne kiya

main ne 'alam ko kiya raaz-ashna-e-kaenat

dida-o-nadida sab kuchh zer-e-pa main ne kiya

chand taron se bhi aage phenk di main ne kamand

KHak ko masnad-nashin-e-muntaha main ne kiya

munkashif pahle kiye kuchh lams-e-lazzat ke rumuz

phir sharab-e-wasl ko do-atisha main ne kiya

dekh kar auj-e-tajalli aankhen KHira ho gain

jis ghaDi duniya pe KHud ko aaina main ne kiya

main ne qudrat se liya husn-e-do-‘alam ka sabaq

sho'la-e-taKHrib ko be-majra main ne kiya

waz' kar ke aastan-e-yar par marne ke Dhang

qissa-e-dar-o-rasan ko be-maza main ne kiya