ek ja harf-e-wafa likkha tha so bhi miT gaya

ek jā harf-e-vafā likkhā thā so bhī miT gayā

zāhiran kāġhaz tire ḳhat kā ġhalat-bar-dār hai

jī jale zauq-e-fanā kī nā-tamāmī par na kyuuñ

ham nahīñ jalte nafas har chand ātish-bār hai

aag se paanī meñ bujhte vaqt uThtī hai sadā

har koī darmāñdagī meñ naale se nā-chār hai

hai vahī bad-masti-e-har-zarra kā ḳhud 'uzr-ḳhvāh

jis ke jalve se zamīñ tā āsmāñ sarshār hai

mujh se mat keh tū hameñ kahtā thā apnī zindagī

zindagī se bhī mirā jī in dinoñ be-zār hai

aañkh kī tasvīr sar-nāme pe khīñchī hai ki tā

tujh pe khul jaave ki is ko hasrat-e-dīdār hai

bis ki hairat se zi-pā uftāda-e-zinhār hai

nāḳhun-e-añgusht-e-but ḳhāl-e-lab-e-bīmār hai

zulf se shab darmiyāñ dādan nahīñ mumkin dareġh

varna sad-mahshar ba-rehn-e-sāfī-e-ruḳhsār hai

dar-ḳhayāl ābād saudā-e-sar-e-mizhgān-e-dost

sad-rag-e-jāñ jāda-āsā vaqf-e-nashtar-zār hai

bas-ki vīrānī se kufr-o-dīñ hue zer-o-zabar

gard-e-sahrā-e-haram tā-kūcha-e-zunnār hai

ai sar-e-shorīda nāz-e-'ishq va pās-e-ābrū

yak taraf saudā va yaksū minnat-e-dastār hai

vasl meñ dil intizār-e-turfa rakhtā hai magar

fitna tārāj-e-tamannā ke liye darkār hai

ḳhānmāñ-hā pā.emāl-e-shoḳhī-e-dā've 'asad'

sāya-e-dīvār sailāb-e-dar-o-dīvār hai

ek ja harf-e-wafa likkha tha so bhi miT gaya

zahiran kaghaz tere KHat ka ghalat-bar-dar hai

ji jale zauq-e-fana ki na-tamami par na kyun

hum nahin jalte nafas har chand aatish-bar hai

aag se pani mein bujhte waqt uThti hai sada

har koi darmandagi mein nale se na-chaar hai

hai wahi bad-masti-e-har-zarra ka KHud 'uzr-KHwah

jis ke jalwe se zamin ta aasman sarshaar hai

mujh se mat keh tu hamein kahta tha apni zindagi

zindagi se bhi mera ji in dinon be-zar hai

aankh ki taswir sar-name pe khinchi hai ki ta

tujh pe khul jawe ki is ko hasrat-e-didar hai

bis ki hairat se zi-pa uftada-e-zinhaar hai

naKHun-e-angusht-e-but KHal-e-lab-e-bimar hai

zulf se shab darmiyan dadan nahin mumkin daregh

warna sad-mahshar ba-rehn-e-safi-e-ruKHsar hai

dar-KHayal aabaad sauda-e-sar-e-mizhgan-e-dost

sad-rag-e-jaan jada-asa waqf-e-nashtar-zar hai

bas-ki virani se kufr-o-din hue zer-o-zabar

gard-e-sahra-e-haram ta-kucha-e-zunnar hai

ai sar-e-shorida naz-e-'ishq wa pas-e-abru

yak taraf sauda wa yaksu minnat-e-dastar hai

wasl mein dil intizar-e-turfa rakhta hai magar

fitna taraj-e-tamanna ke liye darkar hai

KHanman-ha paemal-e-shoKHi-e-da'we 'asad'

saya-e-diwar sailab-e-dar-o-diwar hai