ek juz lafz-o-maani mein nahin rahne diya

ek juz lafz-o-ma'ānī meñ nahīñ rahne diyā

koī kirdār kahānī meñ nahīñ rahne diyā

yā to takmīl huī yā to rasan-dar-hulqūm

ḳhvāb ko naql-e-makānī meñ nahīñ rahne diyā

kal-kalāñ uḌne ko hai aaj hī uḌ jaa.e ye sar

koī kam sho'la-bayānī meñ nahīñ rahne diyā

jaan jaatī thī so jaane dī zarā bhī nuqsān

koī dam faiz-rasānī meñ nahīñ rahne diyā

yā to ḳhāmosh hue yā to barahna-shamshīr

ḳhud ko Tuk resha-davānī meñ nahīñ rahne diyā

aañkh dikhlā.ī shahanshah ko kaTā dī gardan

'aql ko ham ne javānī meñ nahīñ rahne diyā

ātish-e-dil se kiyā zāġh-e-ḳhirad ḳhākistar

but ko is qaid-e-makānī meñ nahīñ rahne diyā

ek juz lafz-o-ma'ani mein nahin rahne diya

koi kirdar kahani mein nahin rahne diya

ya to takmil hui ya to rasan-dar-hulqum

KHwab ko naql-e-makani mein nahin rahne diya

kal-kalan uDne ko hai aaj hi uD jae ye sar

koi kam sho'la-bayani mein nahin rahne diya

jaan jati thi so jaane di zara bhi nuqsan

koi dam faiz-rasani mein nahin rahne diya

ya to KHamosh hue ya to barahna-shamshir

KHud ko Tuk resha-dawani mein nahin rahne diya

aankh dikhlai shahanshah ko kaTa di gardan

'aql ko hum ne jawani mein nahin rahne diya

aatish-e-dil se kiya zagh-e-KHirad KHakistar

but ko is qaid-e-makani mein nahin rahne diya