ek lahza na gham-e-sud-o-ziyan humne kiya

ek lahza na ġham-e-sūd-o-ziyāñ ham ne kiyā

mausam-e-hijr meñ ye kār-e-garāñ ham ne kiyā

ye zamīñ saḳht thī as.hāb-e-mohabbat ke liye

chashma-e-ashk yahāñ kaise ravāñ ham ne kiyā

kaisī vīrānī thī ham jis meñ khilāte rahe phuul

kyā ayaañ thā jise har roz nihāñ ham ne kiyā

ham ne jo kuchh bhī kiyā ġham ke havāle se kiyā

yuuñ nahīñ kār-e-junūñ rah-guzrāñ ham ne kiyā

zindagī terī jabīñ yūñhī chamaktī rah jaa.e

us pe ek chāñd sajāne kā gumāñ ham ne kiyā

ek lahza na gham-e-sud-o-ziyan hum ne kiya

mausam-e-hijr mein ye kar-e-garan hum ne kiya

ye zamin saKHt thi ashab-e-mohabbat ke liye

chashma-e-ashk yahan kaise rawan hum ne kiya

kaisi virani thi hum jis mein khilate rahe phul

kya ayan tha jise har roz nihan hum ne kiya

hum ne jo kuchh bhi kiya gham ke hawale se kiya

yun nahin kar-e-junun rah-guzran hum ne kiya

zindagi teri jabin yunhi chamakti rah jae

us pe ek chand sajaane ka guman hum ne kiya