ek manzar iztirabi ek manzar se ziyaada

ek manzar iztirābī ek manzar se ziyāda

dil hai sāhil dil safīna dil samundar se ziyāda

do jahāñ kī ne.amatoñ ko do badan se zarb de kar

ek lamha māñgtā huuñ banda-parvar se ziyāda

ai but-e-tauba-shikan maiñ tujh se mil kar sochtā huuñ

phuul meñ hotī nazākat kaash patthar se ziyāda

hasrat-e-shahr-e-nasībāñ kyā tujhe ma.alūm bhī hai

dasht hai ābād ya.anī ishq ke ghar se ziyāda

chashm-o-lab se pahle ik tishna ta.alluq chāhtā huuñ

aur phir āsūdgī tasnīm-o-kausar se ziyāda

ek larzīda fazā hai ās.māñ kī vus.atoñ meñ

ik parinda uḌ rahā hai apne shah-par se ziyāda

bastiyoñ ke log saare barf hote jā rahe haiñ

be-ruḳhī achchhī nahīñ 'ḳhurshīd-akbar' se ziyāda

ek manzar iztirabi ek manzar se ziyaada

dil hai sahil dil safina dil samundar se ziyaada

do jahan ki neamaton ko do badan se zarb de kar

ek lamha mangta hun banda-parwar se ziyaada

ai but-e-tauba-shikan main tujh se mil kar sochta hun

phul mein hoti nazakat kash patthar se ziyaada

hasrat-e-shahr-e-nasiban kya tujhe malum bhi hai

dasht hai aabaad yani ishq ke ghar se ziyaada

chashm-o-lab se pahle ek tishna talluq chahta hun

aur phir aasudgi tasnim-o-kausar se ziyaada

ek larzida faza hai aasman ki wusaton mein

ek parinda uD raha hai apne shah-par se ziyaada

bastiyon ke log sare barf hote ja rahe hain

be-ruKHi achchhi nahin 'KHurshid-akbar' se ziyaada