ek pal mein dam-e-guftar se lab-e-tar ho jae

ek pal meñ dam-e-guftār se lab-e-tar ho jaa.e

tujh se jo baat bhī kar le vo suḳhan-var ho jaa.e

ab yahāñ sirf parī-chehra raheñge aa kar

aur koī in ke alāva hai to bāhar ho jaa.e

ho gayā rishta-e-jāñ phir dil-e-nādān ke saath

is sipāhī kī tamannā hai ki lashkar ho jaa.e

ab ke Thahrā.ī hai ham ne bhī yahī shart-e-vafā

jo bhī is shahr meñ aa.e vo sitam-gar ho jaa.e

yaanī ai dīda-e-tar terī ināyat hai ki bas

varna maidān-e-suḳhan aaj hī banjar ho jaa.e

ham ne āshob ke aalam meñ kahī hai ye ġhazal

so ye ḳhvāhish hai ki har sher gul-e-tar ho jaa.e

ek pal mein dam-e-guftar se lab-e-tar ho jae

tujh se jo baat bhi kar le wo suKHan-war ho jae

ab yahan sirf pari-chehra rahenge aa kar

aur koi in ke alawa hai to bahar ho jae

ho gaya rishta-e-jaan phir dil-e-nadan ke sath

is sipahi ki tamanna hai ki lashkar ho jae

ab ke Thahrai hai hum ne bhi yahi shart-e-wafa

jo bhi is shahr mein aae wo sitam-gar ho jae

yani ai dida-e-tar teri inayat hai ki bas

warna maidan-e-suKHan aaj hi banjar ho jae

hum ne aashob ke aalam mein kahi hai ye ghazal

so ye KHwahish hai ki har sher gul-e-tar ho jae