ek parda haTa ek chehra khula raat Dhalne lagi rut badalne lagi

ek parda haTā ek chehra khulā raat Dhalne lagī rut badalne lagī

chāñd chaltā huā mahr se jā milā raat Dhalne lagī rut badalne lagī

dil se niklā laboñ tak savāl aa gayā apne rahne se chal kar ġhazāl aa gayā

band raḳht-e-sabā bāb-e-nāfā khulā raat Dhalne lagī rut badalne lagī

apne apne safar par pharere chale raat ke lashkarī muñh-añdhere chale

paañv paañv chalā be-sipar rāsta raat Dhalne lagī rut badalne lagī

shāḳh par pattiyoñ kī zabāneñ khulīñ nuur kī chhāñv meñ phir dukāneñ khulīñ

ḳhvāb tulne lage ġham tarāzū huā raat Dhalne lagī rut badalne lagī

tishnagī kā sitārā zavāloñ meñ hai aaj apnā safar apne pyāloñ meñ hai

rang achchhā lagā zahr mīThā lagā raat Dhalne lagī rut badalne lagī

jam.a hone lagī fasl sadmāt kī pattharoñ par milīñ chūḌiyāñ haat kī

ek fard-e-sazā ek nauha milā raat Dhalne lagī rut badalne lagī

satrr-e-ma.atūb par uzr-ḳhvāhī na thī mere ḳhat par kisī kī gavāhī na thī

faisla jo huā āḳhir-e-shab huā raat Dhalne lagī rut badalne lagī

ek parda haTa ek chehra khula raat Dhalne lagi rut badalne lagi

chand chalta hua mahr se ja mila raat Dhalne lagi rut badalne lagi

dil se nikla labon tak sawal aa gaya apne rahne se chal kar ghazal aa gaya

band raKHt-e-saba bab-e-nafa khula raat Dhalne lagi rut badalne lagi

apne apne safar par pharere chale raat ke lashkari munh-andhere chale

panw panw chala be-sipar rasta raat Dhalne lagi rut badalne lagi

shaKH par pattiyon ki zabanen khulin nur ki chhanw mein phir dukanen khulin

KHwab tulne lage gham taraazu hua raat Dhalne lagi rut badalne lagi

tishnagi ka sitara zawalon mein hai aaj apna safar apne pyalon mein hai

rang achchha laga zahr miTha laga raat Dhalne lagi rut badalne lagi

jama hone lagi fasl sadmat ki pattharon par milin chuDiyan hat ki

ek fard-e-saza ek nauha mila raat Dhalne lagi rut badalne lagi

satrr-e-matub par uzr-KHwahi na thi mere KHat par kisi ki gawahi na thi

faisla jo hua aaKHir-e-shab hua raat Dhalne lagi rut badalne lagi