ek saz-e-hashr-za sham-o-sahar bajne laga

ek sāz-e-hashr-zā shām-o-sahar bajne lagā

zalzaloñ kī thartharāhaT se nagar bajne lagā

jaag uThīñ añgḌā.iyāñ letī huī saarī dhuneñ

mogarī kī choT paḌte hī gajar bajne lagā

khiñch rahī thiiñ saaz ke tāroñ kī sūrat sab naseñ

us ne kyā chheḌā mujhe maiñ sar-basar bajne lagā

raaz ke ghuñghrū ko dāman se na yuuñ bāñdhe phiro

kyā batāoge kisī ko ye agar bajne lagā

soch kī āñdhī se sar meñ gūñjtī haiñ sīTiyāñ

maiñ ye tanhā.ī meñ kyā baiThā ki sar bajne lagā

us ke istiqbāl meñ māhaul ḳhud bajtā rahā

gungunā uTThe darīche aur dar bajne lagā

aane vaale ne to bas zanjīr-e-dar khaḌkā.ī thī

us kī mausīqī se lekin ghar kā ghar bajne lagā

pattiyoñ meñ jugnuoñ kī ātishīñ jhankār sī

shab kī tārīkī meñ ik suunā shajar bajne lagā

ek āvāz-e-shikast-e-sāz kī sī kaifiyat

apnī vīrānī kī larzish se khañDar bajne lagā

aap kī shohrat kā tūfāñ ab rukegā kis tarah

merī rusvā.ī kā Dankā dar-ba-dar bajne lagā

ek saz-e-hashr-za sham-o-sahar bajne laga

zalzalon ki thartharahaT se nagar bajne laga

jag uThin angDaiyan leti hui sari dhunen

mogari ki choT paDte hi gajar bajne laga

khinch rahi thin saz ke taron ki surat sab nasen

us ne kya chheDa mujhe main sar-basar bajne laga

raaz ke ghunghru ko daman se na yun bandhe phiro

kya bataoge kisi ko ye agar bajne laga

soch ki aandhi se sar mein gunjti hain siTiyan

main ye tanhai mein kya baiTha ki sar bajne laga

us ke istiqbaal mein mahaul KHud bajta raha

gunguna uTThe dariche aur dar bajne laga

aane wale ne to bas zanjir-e-dar khaDkai thi

us ki mausiqi se lekin ghar ka ghar bajne laga

pattiyon mein jugnuon ki aatishin jhankar si

shab ki tariki mein ek suna shajar bajne laga

ek aawaz-e-shikast-e-saz ki si kaifiyat

apni virani ki larzish se khanDar bajne laga

aap ki shohrat ka tufan ab rukega kis tarah

meri ruswai ka Danka dar-ba-dar bajne laga