ek sannaTa sa taqrir mein rakkha gaya tha

ek sannāTā sā taqrīr meñ rakkhā gayā thā

ḳhvāb hī ḳhvāb kī ta.abīr meñ rakhā gayā thā

āgahī roz Darātī rahī manzil se magar

hausla paañv kī zanjīr meñ rakkhā gayā thā

kaun bismil thā batā hī nahīñ saktā koī

zaḳhm-e-dil sīna-e-shamshīr meñ rakkhā gayā thā

sāz-o-āvāz ke milne se asar hone lagā

terā lahja mirī tahrīr meñ rakkhā gayā thā

dāman-e-husn-e-talab zaḳhm kī daulat ke sivā

dard bhī ishq kī jāgīr meñ rakkhā gayā thā

ek manzar meñ ḳhalā pur kiyā tanhā.ī ne

merā chehra vahīñ tasvīr meñ rakkhā gayā thā

ḳhud-parastī se bachātā rahā ham-zād mirā

aa.ina nusḳha-e-iksīr meñ rakkhā gayā thā

zindagī maut ke pahlū meñ numū paatī rahī

ik ḳharāba yahāñ ta.amīr meñ rakkhā gayā thā

ek sannaTa sa taqrir mein rakkha gaya tha

KHwab hi KHwab ki tabir mein rakha gaya tha

aagahi roz Daraati rahi manzil se magar

hausla panw ki zanjir mein rakkha gaya tha

kaun bismil tha bata hi nahin sakta koi

zaKHm-e-dil sina-e-shamshir mein rakkha gaya tha

saz-o-awaz ke milne se asar hone laga

tera lahja meri tahrir mein rakkha gaya tha

daman-e-husn-e-talab zaKHm ki daulat ke siwa

dard bhi ishq ki jagir mein rakkha gaya tha

ek manzar mein KHala pur kiya tanhai ne

mera chehra wahin taswir mein rakkha gaya tha

KHud-parasti se bachata raha ham-zad mera

aaina nusKHa-e-iksir mein rakkha gaya tha

zindagi maut ke pahlu mein numu pati rahi

ek KHaraba yahan tamir mein rakkha gaya tha