ek talwar hai talwar bhi do dhaari hai

ek talvār hai talvār bhī do dhārī hai

zindagī phuul hai patthar se magar bhārī hai

ek aadat sī hai bezār tabī.at rahnā

varna us vaqt kahāñ koī bhī be-zārī hai

sarfaroshī kā maza hai na ḳhatā-poshī kā

dushman-e-jān bhī jazbāt se ab aarī hai

aao sansār kī qīmat meñ lagā.eñ bolī

log kahte haiñ ki insān meñ nādārī hai

jaane kis soch ke lamhe ne chhuā hai tujh ko

ik ajab kaif mirī ruuh pe bhī taarī hai

tishna tishna se badan meñ hai sharābī nashsha

chashma-e-faiz tirī aañkh se phir jaarī hai

ek talwar hai talwar bhi do dhaari hai

zindagi phul hai patthar se magar bhaari hai

ek aadat si hai bezar tabiat rahna

warna us waqt kahan koi bhi be-zari hai

sarfaroshi ka maza hai na KHata-poshi ka

dushman-e-jaan bhi jazbaat se ab aari hai

aao sansar ki qimat mein lagaen boli

log kahte hain ki insan mein nadari hai

jaane kis soch ke lamhe ne chhua hai tujh ko

ek ajab kaif meri ruh pe bhi tari hai

tishna tishna se badan mein hai sharabi nashsha

chashma-e-faiz teri aankh se phir jari hai