ek tanha kitab likkhunga

ek tanhā kitāb likkhūñgā

apne ġham kā hisāb likkhūñgā

lamha-lamha azaab likkhūñgā

zindagī ko sarāb likkhūñgā

ḳhūn-e-dil se qalam ko tar kar ke

tere ḳhat kā javāb likhūñgā

tū ne likkhe haiñ jo ḳhutūt mujhe

un kī maiñ ab kitāb likhūñgā

tujh ko zālim likhūñgā maiñ kaise

ḳhud ko ḳhāna-ḳharāb likkhūñgā

ḳhud ko zarra bhī likh nahīñ saktā

maiñ tujhe āftāb likkhūñgā

nashsha taarī ho dekhne se jise

tujh ko aisī sharāb likkhūñgā

saath 'ḳhushtar' bitā.e lamhoñ ko

ik adhūrā sā ḳhvāb likkhūñgā

ek tanha kitab likkhunga

apne gham ka hisab likkhunga

lamha-lamha azab likkhunga

zindagi ko sarab likkhunga

KHun-e-dil se qalam ko tar kar ke

tere KHat ka jawab likhunga

tu ne likkhe hain jo KHutut mujhe

un ki main ab kitab likhunga

tujh ko zalim likhunga main kaise

KHud ko KHana-KHarab likkhunga

KHud ko zarra bhi likh nahin sakta

main tujhe aaftab likkhunga

nashsha tari ho dekhne se jise

tujh ko aisi sharab likkhunga

sath 'KHushtar' bitae lamhon ko

ek adhura sa KHwab likkhunga