ek taswir aankhon mein aati hui ek jati hui

ek tasvīr āñkhoñ meñ aatī huī ek jaatī huī

phir vahī shaam hai phir vahī yaad hai dil dukhātī huī

shab ke dariyā meñ uThtī hai ik mauj-e-māzī balā-ḳhez kyuuñ

lauT jaatī hai kyuuñ sāhil-hāl se sab miTātī huī

aur kyā hone vaalā hai ab jo abhī tak nahīñ ho sakā

sun rahā huuñ kahīñ duur se phir sadā kun kī aatī huī

vaqt to kuchh lagegā par āḳhir ye kohsār kaT jā.egā

dard kī ik nadī mere siine se rāsta banātī huī

ek gul thā kahīñ par akelā udāsī meñ Duubā huā

ek titlī ḳhayāloñ meñ aatī huī muskurātī huī

dil samundar meñ Duube hue saare lafzoñ kī lāsheñ liye

kashtiyoñ āñso.oñ kī chalī aatī haiñ Dagmagātī huī

titliyāñ mere kamre meñ uḌtī huī jharnā bahātā huā

ik parī-zād apne vatan kī kahānī sunātī hoī

ek taswir aankhon mein aati hui ek jati hui

phir wahi sham hai phir wahi yaad hai dil dukhati hui

shab ke dariya mein uThti hai ek mauj-e-mazi bala-KHez kyun

lauT jati hai kyun sahil-haal se sab miTati hui

aur kya hone wala hai ab jo abhi tak nahin ho saka

sun raha hun kahin dur se phir sada kun ki aati hui

waqt to kuchh lagega par aaKHir ye kohsar kaT jaega

dard ki ek nadi mere sine se rasta banati hui

ek gul tha kahin par akela udasi mein Duba hua

ek titli KHayalon mein aati hui muskuraati hui

dil samundar mein Dube hue sare lafzon ki lashen liye

kashtiyon aansoon ki chali aati hain Dagmagati hui

titliyan mere kamre mein uDti hui jharna bahata hua

ek pari-zad apne watan ki kahani sunati hoi