ek to tujhse meri zat ko ruswai mili
ek to tujh se mirī zaat ko rusvā.ī milī
aur phir ye bhī sitam hai ki tū harjā.ī milī
muskurātā huuñ to hoñToñ pe jalan hotī hai
terī chāhat meñ mujhe karb kī yakjā.ī milī
phir kisī ḳhauf se jazboñ ke badan kaañp uThe
jab bhī un shabnamī āñkhoñ se pazīrā.ī milī
ek ye log ki sāthī bhī badal lete haiñ
ik mirā dil ki jise zaat kī tanhā.ī milī
jis ne dil vāloñ kī bastī meñ rihā.ish rakkhī
us siyah-baḳht ko barsoñ kī shakebā.ī milī
zāhiran sab hī liye phirte haiñ raushan āñkheñ
varna kitne hī jinheñ ruuh kī bīnā.ī milī
us kī āñkhoñ meñ mirā naam farozāñ thā 'niyāz'
jis ke chehre pe mujhe apnī shanāsā.ī milī
ek to tujh se meri zat ko ruswai mili
aur phir ye bhi sitam hai ki tu harjai mili
muskuraata hun to honTon pe jalan hoti hai
teri chahat mein mujhe karb ki yakjai mili
phir kisi KHauf se jazbon ke badan kanp uThe
jab bhi un shabnami aankhon se pazirai mili
ek ye log ki sathi bhi badal lete hain
ek mera dil ki jise zat ki tanhai mili
jis ne dil walon ki basti mein rihaish rakkhi
us siyah-baKHt ko barson ki shakebai mili
zahiran sab hi liye phirte hain raushan aankhen
warna kitne hi jinhen ruh ki binai mili
us ki aankhon mein mera nam farozan tha 'niyaz'
jis ke chehre pe mujhe apni shanasai mili
- Book : Abr, Hawa aur Barish (Pg. 86)
- Author : Niyaz Hussain Lakhvira
- Publication : Mavaraa Publications (1988)
- Edition : 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
