falak ki chiz zamin par utar lai gai

falak kī chiiz zamīñ par utaar laa.ī ga.ī

ye ishq kyā thā ki jis meñ anā gañvā.ī ga.ī

hazār janmoñ kā bandhan kahā thā us ne jise

ye dostī to faqat do qadam nibhā.ī ga.ī

tire laboñ se chhalaktī rahī sharāb magar

ham aise tishna-laboñ ko nahīñ pilā.ī ga.ī

na ḳhush-adā hī thī vo aur na dil-rubā thī magar

hamārī zid thī so zid meñ hī vo paTā.ī ga.ī

maiñ sañg-dil to nahīñ huuñ ki naqsh daa.im ho

tumhārī yaad to ab ho ga.ī hai aa.ī ga.ī

saheliyāñ thiiñ ba-zid aur unheñ thā pās-e-hayā

hamāre naam kī mehñdī nahīñ dikhā.ī ga.ī

mirā vajūd thā uryāñ badan ke paikar meñ

hijāb ke liye terī qabā silā.ī ga.ī

tumhāre saath mirī niiñd ne bhī hijrat kī

agarche niiñd kī golī bahut khilā.ī ga.ī

ab iltifāt kī ummīd mat rakho 'kāshif'

nikāh kyā huā barsoñ kī āshnā.ī ga.ī

falak ki chiz zamin par utar lai gai

ye ishq kya tha ki jis mein ana ganwai gai

hazar janmon ka bandhan kaha tha us ne jise

ye dosti to faqat do qadam nibhai gai

tere labon se chhalakti rahi sharab magar

hum aise tishna-labon ko nahin pilai gai

na KHush-ada hi thi wo aur na dil-ruba thi magar

hamari zid thi so zid mein hi wo paTai gai

main sang-dil to nahin hun ki naqsh daim ho

tumhaari yaad to ab ho gai hai aai gai

saheliyan thin ba-zid aur unhen tha pas-e-haya

hamare nam ki mehndi nahin dikhai gai

mera wajud tha uryan badan ke paikar mein

hijab ke liye teri qaba silai gai

tumhaare sath meri nind ne bhi hijrat ki

agarche nind ki goli bahut khilai gai

ab iltifat ki ummid mat rakho 'kashif'

nikah kya hua barson ki aashnai gai