falak se un ko KHuda ke salam aate hain

falak se un ko ḳhudā ke salām aate haiñ

jo dūsroñ kī musībat meñ kaam aate haiñ

kabhī kabhī koī aatā hai un meñ shahzāda

vagarna saiñkaḌoñ bikne ġhulām aate haiñ

haqīqī kaam ye hai vo diloñ pe raaj kare

use par is ke 'alāva bhī kaam aate haiñ

mushāhide se na sīkheñ to tajraba kar leñ

jo sub.h aa nahīñ paate vo shaam aate haiñ

hamārī jeb meñ rakkhe haiñ tajrabe saare

hameñ ye khel zamāne tamām aate haiñ

ye duniyā chhān-phaTak kar banā.egī kundan

yahāñ pe pahle-pahal sab hī ḳhaam aate haiñ

vo ḳhaas log unhī meñ sharīk hote haiñ

tumhārī bazm meñ aksar jo 'aam aate haiñ

tujhe dikhā.ī na dete agar ḳhudā hote

ham is liye tire aage mudām aate haiñ

kisī ne kyoñ na kahā mominīn hadd-e-adab

husain jaise muqaddas imaam aate haiñ

falak se un ko KHuda ke salam aate hain

jo dusron ki musibat mein kaam aate hain

kabhi kabhi koi aata hai un mein shahzada

wagarna sainkaDon bikne ghulam aate hain

haqiqi kaam ye hai wo dilon pe raj kare

use par is ke 'alawa bhi kaam aate hain

mushahide se na sikhen to tajraba kar len

jo subh aa nahin pate wo sham aate hain

hamari jeb mein rakkhe hain tajrabe sare

hamein ye khel zamane tamam aate hain

ye duniya chhan-phaTak kar banaegi kundan

yahan pe pahle-pahal sab hi KHam aate hain

wo KHas log unhi mein sharik hote hain

tumhaari bazm mein aksar jo 'am aate hain

tujhe dikhai na dete agar KHuda hote

hum is liye tere aage mudam aate hain

kisi ne kyon na kaha mominin hadd-e-adab

husain jaise muqaddas imam aate hain