falsafi kis liye ilzam-e-fana deta hai

falsafī kis liye ilzām-e-fanā detā hai

lafz-e-kun ḳhud mirī hastī kā pata detā hai

ho gayā tark-e-marāsim ko zamāna lekin

aaj tak dil tirī nazroñ ko duā detā hai

thartharāte hue hāthoñ se davā ke badle

chāragar aaj na jaane mujhe kyā detā hai

kuchh to hotā hai hasīnoñ ko bhī ehsās-e-jamāl

aur kuchh ishq bhī maġhrūr banā detā hai

soz-e-ulfat se vo kam-māya-e-ġham hai mahrūm

ātish-e-dil ko jo ashkoñ se bujhā detā hai

parda-dārī bhī hai ik maslihat-e-ḳhās-e-jamal

shauq nazzāre kī qīmat ko baḌhā detā hai

zindagī de ke musībat meñ hameñ Daal diyā

koī yuuñ bhī kahīñ be-jurm sazā detā hai

daar mil hī ga.ī mansūr ko vaa.iz varna

kaun duniyā meñ mohabbat kā sila detā hai

haa.e us bekas-o-majbūr kī qismat 'arshī'

shaam se pahle hī jo sham.a jalā detā hai

falsafi kis liye ilzam-e-fana deta hai

lafz-e-kun KHud meri hasti ka pata deta hai

ho gaya tark-e-marasim ko zamana lekin

aaj tak dil teri nazron ko dua deta hai

thartharaate hue hathon se dawa ke badle

chaaragar aaj na jaane mujhe kya deta hai

kuchh to hota hai hasinon ko bhi ehsas-e-jamal

aur kuchh ishq bhi maghrur bana deta hai

soz-e-ulfat se wo kam-maya-e-gham hai mahrum

aatish-e-dil ko jo ashkon se bujha deta hai

parda-dari bhi hai ek maslihat-e-KHas-e-jamal

shauq nazzare ki qimat ko baDha deta hai

zindagi de ke musibat mein hamein Dal diya

koi yun bhi kahin be-jurm saza deta hai

dar mil hi gai mansur ko waiz warna

kaun duniya mein mohabbat ka sila deta hai

hae us bekas-o-majbur ki qismat 'arshi'

sham se pahle hi jo shama jala deta hai