fan muztarib hisar-e-nazariyat mein raha

fan muztarib hisār-e-nazariyāt meñ rahā

ik be-gunāh jaise havālāt meñ rahā

siine meñ yāsiyat kā dhuāñ dūriyoñ kī shab

dil mash.al-e-murād-e-mulāqāt meñ rahā

hāsil haiñ qalb-e-shahr meñ saarī sahūlateñ

lekin vo ik sukūñ jo mazāfāt meñ rahā

bāñhoñ meñ pur-sukūt samandar sā vo badan

aalam ik intishār kā jazbāt meñ rahā

ik ḳhvāb-e-dil-nashīñ hai mulāqāt kā ma.aal

hāsil hai vo hunar jo use baat meñ rahā

mauj-e-havā ḳhayāl bahā le ga.ī 'nizām'

Duubā huā tū kis ke ḳhayālāt meñ rahā

fan muztarib hisar-e-nazariyat mein raha

ek be-gunah jaise hawalat mein raha

sine mein yasiyat ka dhuan duriyon ki shab

dil mashal-e-murad-e-mulaqat mein raha

hasil hain qalb-e-shahr mein sari sahulaten

lekin wo ek sukun jo mazafat mein raha

banhon mein pur-sukut samandar sa wo badan

aalam ek intishaar ka jazbaat mein raha

ek KHwab-e-dil-nashin hai mulaqat ka maal

hasil hai wo hunar jo use baat mein raha

mauj-e-hawa KHayal baha le gai 'nizam'

Duba hua tu kis ke KHayalat mein raha