faqat afsana-e-mazi ko dohrane se kya hoga

faqat afsāna-e-māzī ko dohrāne se kyā hogā

amal bhī kar fareb-e-sar-ḳhushī khāne se kyā hogā

abas zardār bal khātā hai bal khāne se kyā hogā

zamāna jāntā hai inqalāb aane se kyā hogā

bahāroñ kī duā.eñ kyā na leñ nām-e-bahārāñ bhī

chaman vaale agar samjheñ bahār aane se kyā hogā

haqīqī inqalāb aa kar badal detā hai taqdīreñ

barā.e-nām hamdam inqalāb aane se kyā hogā

gulistāñ par na aañch aa.e gulistāñ phir gulistāñ hai

nasheman bijliyoñ kī zad meñ aa jaane se kyā hogā

Dubo kar 'mauj' kī kashtī ye zāhir-dāriyāñ nāhaq

kaho maujoñ se sar sāhil pe Takrāne se kyā hogā

faqat afsana-e-mazi ko dohrane se kya hoga

amal bhi kar fareb-e-sar-KHushi khane se kya hoga

abas zardar bal khata hai bal khane se kya hoga

zamana jaanta hai inqalab aane se kya hoga

bahaaron ki duaen kya na len nam-e-bahaaran bhi

chaman wale agar samjhen bahaar aane se kya hoga

haqiqi inqalab aa kar badal deta hai taqdiren

barae-nam hamdam inqalab aane se kya hoga

gulistan par na aanch aae gulistan phir gulistan hai

nasheman bijliyon ki zad mein aa jaane se kya hoga

Dubo kar 'mauj' ki kashti ye zahir-dariyan nahaq

kaho maujon se sar sahil pe Takrane se kya hoga